بلوچستان میں بم دھماکہ اسکولی طلبا سمیت 7افراد جاں بحق

کوئٹہ: بلوچستان کے علاقہ مستونگ میں بم دھماکے میں اسکول کے بچوں اور پولیس اہلکاروں سمیت سات افراد جاں بحق اور دیگر 11 زخمی ہوگئے۔پولیس کے مطابق جمعہ کو بلوچستان کے ضلع مستونگ میں گرلز ہائی اسکول کے قریب کھڑی پولیس وین کے قریب زوردار دھماکہ ہوا جس کے نتیجے میں یہ اموات واقع ہوئی۔دھماکے سے بچوں سمیت 13 افراد زخمی ہوگئے۔انتظامیہ کے مطابق پولیس اور سکیورٹی فورسز نے اطلاع ملتے ہی جائے وقوعہ پر پہنچ کر نعشوں اور زخمیوں کو فوری طور پر ڈی ایچ کیو ہاسپٹل مستونگ منتقل کر دیا جہاں شدید زخمیوں کو مزید علاج کی غرض سے کوئٹہ ٹراما سنٹر منتقل کیا گیا ہے۔پولیس اور سکیورٹی فورسز نے علاقہ کی ناکہ بندی کر کے تحقیقات شروع کردی ہے۔