ویمنس ٹینس فائنلز ، سعودیہ میں یہ نظارہ بھی کیجئے

ریاض: سلطنت سعودی عرب پہلی مرتبہ مملکت میں باوقار ویمنس ٹینس اسوسی ایشن (ڈبلیو ٹی اے) فائنلز چمپئن شپ کی میزبانی کررہی ہے جس کا بعض گوشوں کو بے چینی سے انتظار تھا۔ یہ ٹورنمنٹ کنگ سعود یونیورسٹی انڈور ارینا واقع ریاض میں ہفتہ 2 نومبر سے 9 نومبر تک جاری رہے گا۔ سعودی پریس ایجنسی نے بتایا کہ ان مقابلوں کا اہتمام سعودی ٹینس فیڈریشن وزارت کھیل کود کی نگرانی میں پبلک انوسٹمنٹ فنڈ کی اسپانسرشپ کے ساتھ کیا جارہا ہے۔ڈبلیو ٹی اے ٹور 2024 سیزن کے اختتامی فائنلز میں سرکردہ کھلاڑی سنگلز اور ڈبلز فارمٹ میں راؤنڈ روبن نہج پر ایکشن میں نظر آئیں گے۔زائد از 15 ملین ڈالر کی انعامی رقم مختص ہے۔