ٹیبل ٹینس ٹورنامنٹ:ہرمیت نے سنگلز ٹائٹل جیتا

کراکس (وینزویلا): ہندوستان کے ہرمیت دیسائی نے ڈبلیو ٹی ٹی فیڈر کراکس 2024 ٹیبل ٹینس ٹورنامنٹ میں مردوں کے سنگلز کا خطاب بھی جیت لیا۔ اس سے پہلے دیسائی نے کرتویکا رائے کے ساتھ مکسڈ ڈبلز کا خطاب جیتا تھا۔ گزشتہ روز ہرمیت نے فائنل میں فرانس کے جوئے سیفریڈ کو تین سٹ کے مقابلے میں شکست دی، جس پر وہ مینس سنگلز ٹائٹل کے حق دار ہوئے۔ پہلے راؤنڈ میں بائی کے بعد دیسائی نے دوسرے راؤنڈ میں وینزویلا کے جیسس الیجینڈرو توور گرالڈو کو شکست دی اور پھر پری کوارٹر فائنل میں چین کے لی این سی کو شکست دی۔ اس نے کوارٹر فائنل اور سیمی فائنل میں بالترتیب چین کے ننگ جیان کن اور پرتگال کے جواؤ مونٹیرو کو 3-2 سے شکست دے کر فائنل میں جگہ بنائی۔ اس سے پہلے دن میں دیسائی اور رائے نے کیوبا کے جارج کیمپوس اور ڈینیلا فونسیکا کاراجنا کو سخت مسابقت میں شکست دے کر مکسڈ ڈبلز ٹائٹل جیتا تھا۔ اس جوڑی نے سیمی فائنل میں چین کے وانگ کائبو اور لیو زنران کو شکست دے کر ٹائٹل کے لیے کوالیفائی کیا تھا۔ کرتیکا رائے کا یہ دوسرا ڈبلیو ٹی ٹی فیڈر ڈبلز ٹائٹل تھا، اس سے قبل انہوں نے یاشاسوینی گھورپڑے کے ساتھ کیگلیاری میں خواتین کا ڈبلز ٹائٹل جیتا تھا۔