لاپرواہ ڈرائیونگ ، اسٹینڈ اپ کامیڈین اتسو ڈکشٹ گرفتار

حیدرآباد: 3 نومبر (سیاست نیوز) اسٹینڈ اپ کامیڈین اتسو ڈکشٹ کو پورش کار حادثے کے سلسلے میں حیدرآباد سے گرفتار کیا گیا ہے۔پولیس نے بتایا کہ ڈکشٹ کی پورش کار یکم نومبر کی صبح حیدرآباد کے کے بی آر پارک کی باؤنڈری وال سے ٹکرا گئی تھی، جس سے پارک کی دیوار، گرل اور فٹ پاتھ کو شدید نقصان پہنچا جبکہ کار کا اگلا حصہ اور پہیے بھی بری طرح متاثر ہوئے اور ڈکشٹ گاڑی کو موقع پر ہی چھوڑ کر فرار ہوگیا۔. بعد میں اسے گرفتار کر لیا گیا۔پولیس کے مطابق ابتدائی تفتیش سے یہ بات سامنے آئی کہ ڈکشٹ لاپرواہی سے کار چلا رہا تھا جس کی وجہ سے وہ گاڑی کا کنٹرول کھو بیٹھا اور پارک کی باؤنڈری وال سے ٹکرا گیا۔اس بات کی جانچ کی جارہی ہے کہ آیا ڈکشٹ حالت نشہ میں تو نہیں تھا ۔ (ش)