ناچارم میں پٹرول پمپ میں آگ، دو افراد زیر حراست

حیدرآباد 27 اکٹوبر (سیاست نیوز) حیدرآباد کے علاقہ ناچارم میں ایک پٹرول پمپ پر آگ لگنے کا واقعہ پیش آیا۔ تفصیلات کے مطابق ناچارم کے پٹرول پمپ پر ایک شرابی چرن سگریٹ لائیٹر لے کر پہنچا تب پٹرول پمپ ملازم ارون نے اسے لائٹر جلانے کے لئے منع کرنے کے بجائے اُسے اُکسایا جس پر چرن نے لائٹر سلگایا۔ پمپ پر پٹرول ڈالا جارہا تھا، اسی دوران آگ لگ گئی جس کے نتیجہ میں ایک خاتون اور اس کا بیٹا زخمی ہوگئے۔ پٹرول پمپ میں سی سی ٹی وی کیمروں میں یہ تمام مناظر قید ہوگئے۔ پٹرول کی وجہ سے آگ لگی۔ اطلاع ملتے ہی پولیس مقام پر پہنچ گئی اور چرن اور ارون جن کا تعلق بہار سے ہے دونوں کو گرفتار کرکے تحقیقات کا آغاز کردیا۔ (ش)